هل البرمجة موجهة للجميع ام فقط بعض الناس ؟ - مدونة طونيسا

الجمعة، 2 أغسطس 2019

هل البرمجة موجهة للجميع ام فقط بعض الناس ؟

*هل البرمجة موجهة للجميع ام فقط بعض الناس ؟  
باش نكونو مفهمين فهذا سؤال مُتفق على الجواب تاعوا بالإجماع من طرف المبرمجين والشركات الرائدة فالمجال والجواب لا و ألف لا.السبب هو ان البرمجة فالاخير هي حل للمشاكل
(مثلا كلنا كنمشي نخلص الضو، وفاش كتوقف قدام المكلف كتقول ليه مثلا الرمز تاعك،فثواني كيتابيها فالبيسي كيتعر على الملف تاعك اب كتخلص و السلام عليكم،تخيل معي اخي، اختي الغالية إفترض اننا معندناش هاد النضام فالاساس بحيث يتم البحث فالاوراق بطريقة يدوية تا كيطيح فالملف لي مسجلين فيه كل معاملاتك، لس خصك تخلص و لي كيتسالك عاد تتم عملية الدفع ... هكا كان الحال في الماضي في كل الحضارات، فالمسلمين كانو كيديرو صف كبير باش يحطو الزكاة، هذا مشكل تم حله بقاعدة بيانات و نضام يسهم توثيق العمليات "عقل مبرمج هو لي حل هاد المشكل")، تسهيل الامور (الالة الحاسبة ببساطة مثال متواضع و قس على ذلك "عقل مبرمج هو لي سهل هذا الأمر")، تسريع العمليات (جميع طرق التواصل هي عبارة عن عمليات سريعة جعلت من العالم قرية صغيرة "عقل مبرمج هو لي ساهم فتسريع هذه العملية") و الكثير الكثير الخ، و في حال لا تستطيع تفكر كمبرمج فلا يمكن ان تكونه.
يعني لتكون مبرمج يجب عليك ان تفكر في حل سريع للمشكل او الحالة التي تود معالجتها.


.
و الطريقة الوحيدة باش تعرف راسك من رجليك هي تجرب و تعاود تجرب اي تيستي الدماغ تاعك (هههه تيستي البروداكت فالتجارة الالكترونية و تيستي الدماغ تاعك فالبرمجة ههه).
من مواصفات المبرمج قدرة كبيرة على التحليل اي انك تاخد حالة و تحللها تفهمها بشكل عميق (هههه العمق فالتحليل والفهم باش نكونو مفهمين) نمشو بعيد أكثر، كولنا كندخلو المواقع مختلفة منها توع التواصل توع الفراجة توع الخدمات، كوووورة، الاخبار، التعليم، المنتيف الاصفر ... نفس الامر كينطبق على التطبيقات لي كنستاخدمو، وتفس الامر حتى بالنسبة لبرامج الحاسوب ....
واش عمرك فكرتي كيفاش كايتقاد هادشي؟
(هذا سؤال موجه ليك نتا لي تجاوب عليه ماشي انا)
(هههه ملي كنت صغير، كنت ديما كنفكر فهاد السؤال بخصوص المواقع الالكترونية مي دغيا كنقمعني {انا كنقمع انا ههه}، كانقول هادشي مستحيل حيت صعيب بحال شي قناة تلفزيونية كنت كنضخم الموضوع و نشبهو بالتلفازة.).
.
عموما اليوم غادي نحاولو نحطو مثال لحالة و غادي نحلوها فنفس الوقت.
مثال لحالة و حاول تلقا ليها حل أنت الاول عاد تقرى الحل.
المسألة :
لنفترض اتصالات المزنبيق عنها 4 توع الاشتراكات شهرية.

الاشتراك 1 : ب 310 تاع الدرهم (المزنبيقي ههه) للشهر وهدر شحال ما بغيتي.
الاشتراك 2: ب 140 درهم للشهر فيها 20 ساعة فابور لكن الا ساليتيها غادي تخلص 0.3 درهم لكل دقيقة زدتيها.
الاشتراك 3: فقط ب 80 درهم للشهر لكن 0.25 درهم لكل دقيقة دويتيها معندهومش الفابور.
الاشتراك 4: الاشتراك مجاني لكن كل دقيقة ب 0.5 درهم.
* عاود و عاود الا تلفتي.
دبا عندنا إيمان و بدر و يوسف.
هاد يوسف و بدر كيهدرو تقريبا 15 ساعة فالشهر مشاركين فتيليفون واحد.
اما إيمان فيها الهدرة بزاف كاتدوي 28 ساعة فالشهر.

هاد الاخوان بغاو يعرفو اشنو العرض المناسب ليهوم.
(ههههه لي كيسول علاش درت بدر و يوسف فنفس الحالة، هههه السبب ماشي باش نتيستيك واش كترد البال نن نن نن غا حيت عندي واحد جوج صحاب عارف الا درت غا واحد فيهوم غادي يجي لاخور يبكي عليا هههه و بالطبيعة الحال الحالة الأخرى فتاة و بلانها بلان خوور ههه)
المطلوب منك هو تحدد ليوسف أو بدر العرض المناسب ليهم.
و كذالك ايمان اشنو افضل عرض بالنسبة ليها.

خود ورقة و ستيلو و حسب و خرج ليا الحل لهاد الناس.
الحل متقراه حتى تكون جربتي راسك غا حاول مغادي تخصر والو و متقمع راسك بل تيق فراسك كتر من القياس، نوووض نوض دبا خود ليك ورقة و ستيلو حل المسألة يا كنتي مهتم بالمجال يا مكنتيش مهتم فقط جاوب.