Python هل هي ضرورية ؟ و ماطا استفيد اذا تعلمتها - مدونة طونيسا

الأحد، 14 يوليو 2019

Python هل هي ضرورية ؟ و ماطا استفيد اذا تعلمتها

السلام عليكم ورحمة الله وبركاته
جمعتكم مباركة ⁦❤️
لمن سأل هذا السؤال هو مطروح بكثرة
ليه تتعلم Python

 ؟ وهل البايثون مطلوبة فى سوق العمل المصرى او العربي مثلا ؟
البايثون هى الصديق الأفضل للمبتدئين وغير المبتدئين !
اولاً لأنها لغة سهلة فى التعلم والفهم والأستخدام ومناسبة جداً لأى حد مبتدأ فى مجال البرمجة.
ثانياً لو شوفت اى كود بايثون هتقدر تقرأه وتفهم هو بيعمل ايه بسهولة حتى لو مش عارف اى حاجه عن البرمجة وده لأن اوامر البايثون قريبة جداً 
من كلمات الأنجليزى العاديه.

صورة ذات صلة
ثالثاً الكود اللى بياخد منك ساعات فى اى لغة برمجة تعرفها، هياخد منك دقايق باستخدام البايثون !
 بايثون = كل شئ
لو اتعلمت بايثون تقدر تبرمج بيها اى شئ ممكن، وده لأن البايثون لغة General Purpose Language يعنى لغة متنوعه ومتعددة الأستخدام وده بيخليك تقدر تستخدمها فى تنفيذ حاجات كتير زى تطبيقات الويب ، تطبيقات الديسك توب ، تطبيقات الموبايل الأندرويد والـ iOS ، الألعاب ، برمجة ادوات الأختراق وامن المعلومات ، مجال الشبكات ، مجال تحليل البيانات Data Analysis ، مجال تعلم الأله Machine Learning ، واخيراً فى مجال الذكاء الأصطناعى وتطوير الروبوتات.
 بايثون يعنى فرص اكتر ومرتبات اكبر ومنافسة أقل !
مرتبات مبرمجين البايثون تعتبر واحدة من اعلى المرتبات فى سوق العمل، خصوصاً فى مجالات زى برمجة الويب Web Development ومجال الـ Data Science ومجال الـ Machine Learning ومتوسط مرتب مبرمج البايثون عالمياً بيتراوح من 70 الف دولار لـ 150 الف دولار سنويا.
صورة ذات صلة
ولو عملنا مقارنة بين عدد الفرص المتاحه وعدد مبرمجين البايثون الموجودين حالياً هنلاقى انه فيه فرق وده هيخليك تلاقى فرص اكتر وتحصل على وظيفة بشكل اسرع وبمنافسه اقل.
 معظم الشركات الكبيرة بتستخدم Python !
البايثون بتستخدم فى شركات عالمية زى شركة جوجل، انستجرام، يوتيوب، فيسبوك، Netflix ، IBM ، ياهو وQuora وغيرهم
 لغة مفتوحة المصدر و مجانية بالكامل، يعنى مش هتحتاج تدفع اى فلوس اوتحصل على اى ترخيص عشان تستخدمها ، الى جانب انك ممكن تستخدمها على اى نظام تشغيل سواء ويندوز، ماك، لينكس وغيرهم.
 البايثون لها مكتبات ضخمه ومجتمع - Community كبير ، يعنى لو وجهتك اى مشكله وانت بتشتغل هتلاقى حد يساعدك سواء عن طريق المواقع المخصصه للبايثون فقط او تجمعات البايثون المختلفة على وسائل التواصل الأجتماعى.


نيجى بقى للسؤال المهم !
هل البايثون لغة مطلوبة فى سوق العمل فى العالم العربي دلوقتى ؟
🔹 اولاً ممكن تعمل بحث بنفسك على مواقع التوظيف وتشوف وتتأكد هل فى طلب على مبرمجين البايثون فى مصر ودول العربية ولا لا!
🔹 ثانياً كل اللى ممكن نقوله ونأكد عليه ان البايثون واحدة من لغات البرمجة المطلوبة جداً دلوقتى وهتبقى مطلوبة جداً جداً بعدين (فى المستقبل) وده مش بس لأنها لغة متعددة الأستخدام وبتدخل فى مجالات وتطبيقات كتير، لا لانها كمان لغة قوية وسهلة وبتتمتع بدرجة كبيرة من الحماية، وده خلى شركات برمجة كتير تبدأ تتجه لأستخدامها فى تنفيذ مشروعاتها.