تدوينة شاملة حول برمجة مواقع ويب من 0 ماهي اسياسيات ؟ بعض مصطلاحات مهمة - مدونة طونيسا

الأحد، 14 يوليو 2019

تدوينة شاملة حول برمجة مواقع ويب من 0 ماهي اسياسيات ؟ بعض مصطلاحات مهمة

اليوم بغيت ندوي ليكم على البرمجة وخصوصاً مجال الويب ليولا مطلووب فالاونة الاخييرة والتقنيات الحديثة لولا كيعتمدها ، أول حاجة خاصك تعرفها هي ان مجال الويب كينقسم ل 2 اقسام كيما وضح الأخ رضا قبيلا !!
القسم الأول وهو front-end اي الواجهة الأمامية د الموقع اي منين كندخل للموقع داكشي لكيبان ليا وكيبان ليك وللمستخدم بصفة عامة تال هنا 
مزيان ياكو ؟؟



القسم الثاني وهو back-end اي الواجهة الخلفية لمكتبانش ليا ومكتبانش ليك (السيرفر) اي كتبان للمبرمج لبرمج الموقع فقط ، اوكي عارفكم دبا تخربقتو ومزال مفهمتوش يا لاه ناخذو مثال لغيوضح لينا كولشي دبا !!

ناخذو على سبيل المثال موقع فيسبوك ولي كولشي كيعرفوو ياك منين كتدخل للفيسبوك فغوغل اول حاجة كيطلعها ليك هي الواجهة الأمامية ديالو لفيها فالفوق الايميل والباسورد باش تسجل الدخول ولتحت طبعا كاين الى بيتي تكريي كونت (هذا هو ما يسمى ب front-end )

دبا منين كتسجل الدخول وكدخل للبروفيل ديالك ديك العملية لكطرااا هي ما يسمى بال back-end دبا بنسولكم واش بان ليكم شي حاجا فاش كان كيدخلكم بالطبع لا حيث كيما قلت سابقا داكشي كيوقع فاللور اي الكواليييس هههه !! دبا تال هنا مزيااان !!


وكاين القسم الثالث ولي يمكن نيت ندخلوه فالقسم الثاني ولكن حيث بيت نفصل ليكم باش تفهمو مزيااان ولي هو قواعد البيانات او data base بالانجليزيه وهو منين كتسجل بالفيسبوك عندك ايميل ياك داك الإيميل ديالك كيتخزن فالداتابييز وهذا هو الدور ديالها باختصاااار 
دبا هنا عرفتي الفرونت وعرفتي الباكيند ودبا خاصك تعرف بلي يمكن ليك تخصص فواحد فيهم ولا بجوجهم وترجعو مهنة مستقبلية ليك
نقولو مثلا نتا عزيز عليك التصميم وكتفنن فيه وبيتي الفرونت غادي تخصص باش تولي Front-End developer ولي هو مطور الواجهات الأمامية !! دبا اشنو المطلوب منك تعلم
اول حاجة هي HTML ولي هي لغة تصميم ماشي برمجة طبعا وهي لكتمكنك تبني الموقع ديالك اي الساااس وبلا بيها مستحيل تبني موقع ديالك
ثاني حاجة CSS ولي تاهيا لغة تصميم وهي المسؤولة عن تنسيق الموقع ديالك وبلغة أخرى هي والاولى ميمكنش تفرقهم حيث كيكملو بعضياتهم وي عرفتك مزال مفهمتي اوكي اجي نعطيو مثال كيما دارنا الفووق !!

نقولو مثلا بنيتي داار بلبريك هذي هي HTML واش امكن تسكن فيها هكذاك ؟ بطبيعة الحال لا خاص ضروري شويا د الفينيسيون وهنا كدير الݣبس والصباغة الخ.. وهذا هو الدور د CSS باختصار هي لكتمكنك من توزيع العناصر د الموقع ديالك والتحكم فيهم وتنسيقهم الخ...
من بعد ماغادي تعلم ليهم انقوول لييك هنييئااا لك دبا بامكانك تخترق ناسا ... واتاريح اشمن ناسا راه آلاه بديتي دبا غادي نصحك تحاول تخدم template جاهزة وتحاول دير بحالهم من بعد ايخصك دوز تعلم الاصدارات ديالهم ولي هما html5 w css3 وهنا غادي تقولو علاش غادي نتعلموهوم انا غنجاوبك بزز منك تعلمهم خييث كانو شي عناصر قداام حيدوهم وضافو عناصر جدااد وخصوصا سي اس اس 3 ضافو شي عناصر عملاقة بحال transition w animation w transform 3d etc...
من بعد ايجي الدور د عملاقة الويب ولي هيا JavaScript ولي ايخصها منشووور غا بوحدها ومنكفوووش العظمة وسيطرتها على جميع المجالات مي دبا غاندوي عليها غي فمجال الويب الجافا سكريبت هي لكتمكنك من اضافة انيمشن وااعرة للموقع ديالك events دياولها كيخلوك دير الاعجاز لمموفراهش ليك css من مورا متعلم ليها ايخصك تعلم JavaScript dom (document object model ) ولي هي جزء مت الجافا سكريبت وميمكنش تعزلهم على بعضيتهم حيث كتكملها والدور ديالها باختصار كتخليك تلاعب بالعناصر د اش تي ام ال وضييف عنااصر وتحذف عناصر وكذلك دير دور د سي اس اس وتنسق العناااصر الخ... 
من بعد ايجي الدور د JavaScript bom (browser object model) وهي المسؤولة عن التلاعب بالمتصفح والتحكم فيها نتا كمبرمج ويب كتخدم ب متصفح من المتصفحات ك كروم ، موزيلا الخ.. ياك و البوم هي لكتخليك تحكم فيه التحكم الكامل وكذلك فيه عدة ميزات لمكتوفرهمش الدووم تال هنا دبا مزياان ياكوو !!
دبا ايخصك تاخذ وقتك وتدرب مزياااان تا تضبط هادشي عن ضهر قلب وماشي تسنا تال هنا عااد تبدا تدرب من مورا متعلم اي حاجة مدوز لمنبعدها حتى تتقنها ماشي كنفشلك واينما كنوجهك ديما خذو الامور بايجابية !!

دبا غادي نجو لواحد المكتبة لمعتمدا على الجافا سكريبت ولكنحماق عليها ولي هيا jQuery والدور ديالها كتعطي واحد الجمالية للموقع ديالك فالانيمشن وكذلك كتوفر علييك مجهوود كبيير اي مثلا بيتي تقاد شي حاجا بالجافاسكريبت وغاظي تحتاج 10 سطور باش تقاظها مثلا بهاذ المكتبة غادي تكتب غي 3 سطور مثلا وااااو شوف على هيبة عندها تبارك الله !!
من بعد الخوووت غادي تختار فرامورك وناخذو على سبيل المثال bootstrap حيث هو لي معرووف بزااف وعندو شعبية غلى صعييد العالم ، اشناهو الدور ديالو ببساطة كيوفر علييك مجوود كبيير مثلا كنتي اتكتب شحال د الكلاسات ب ايديك فهو غيوفر عليك هاذ البارطيا حيث كتلقاهم فيه واجدين وعاد المكتبات الهاربيين بحال wow.js الخ.. والحاجة الثانية هي اننا نقولو مثلا غادي تخدم مع team وهما خذامين بيه فضروري تانتا تخدم بيه باش افهمو اش كتكتب وتاقلم معاهم نتمنى تكون وصلات 
تال هنا نقدرو نقولو وليتي فرونت اند دفلوبر مي كاين ميتقال باش متوليش بحالك بحال لوخرين خاصك تولي monster front-end developer ولي غنوضحوهوم واحد الشوية فلتحت اوكي

دبا نتاقلو للباكيند ونقولو مثلا غادي تخصص back-end developer وباختصاار ايخصك تعلم لغة باش تعامل مع السيرفر وهنا عندك عدة اختيارات وابرزهم :
Php / python with Django or flask / asp.net / Ruby / JavaScript and node js
وهنا خاصك تشووف العظمة د الجافا سكريبت اي مبقاتش محتكرة غي الفرونت بل ولات كديير حتا الدور لكيديروه لغات الباكيند اي منين غتعلمها غضرب عصفورين بحجر واحد اتكون قاادر تقاد ويبسايت من الأول الى الآخر وغادي تولي full stack developer اي كتقااد السيت بالفرونت والباكيد ديالوو وكذلك كتعتبر تقنية node js من التقنيات المطلوبة ولغيكون ليها مستقبل زاااهر